وجبات الكلب

الوجبات للكلب 

بتكون مكنوه من مرحلتين 

المرحله الاولي لحد من سن 45 يوم ل 6شهور 

المرحله الثانيه بتكون من سن 6 شهور لاخر عمر الكلب 

المرحله الاولي بتكون مكونه من 3 وجبات يوميه

الافطار والعشا بيكونوا واحد

وطبعا هنسأل نفطر الكلب ايه اولا في المرحله الاولي بتكون معتمده علي اللبن خفيف الدسم دا علشان نأسس الكلب في الكالسيوم في الجسم وطبعا مش بنكتفي باللبن بندي الكلب دي كال دوا بشري او كالسيكال تكمله للكالسيوم
او فول او جبنه قريش او عيش بالبن او سريالاك كل واحد وعلي حسب قدرته الماديه وزي ما قول انت ودماغك في تأكيل الكلب والفطار زيه زي العشا

 
اما الغدا فدا حكايته حكايه
لكن اساسي في التوفير ونفخ الكلب وتنظيم عمليه الهضم ليه نحط العيش اللي برده في الاكل وناس كتير هتقلي اصل الكلب مش هياكله عنده حق طبعا بس احنا نعمل ايه ساعتها نقطع العيش حتت صغيره ونحطها في الشوربه ونسبها لما تدوب وبعد كدا اهرسها واحطها مع الاكل وبكدا الكلب مش هيقدر يفصلها عن اللحمه
ونشوف ايه اللي ممكن اقدمه للكلب عندي في البيت بما اني جيبه من وهو جرو المفروض اني امشيه علي دماغي فمثلا ممكن  اعود  كلبي ياكل الخضار يعني الباميه الملوخيه البطاطس الفاصوليا وكل ده بشيله من الدمعه واهرسه مع العيش او الرز كويس واحط عليهم شويه شوربه + صنف اللحوم
اللحوم اللي ممكن ااكلها للكلب عندي و مجرحش نفسي بسعرها

الكبده المستورده ودي بلاش نقدمها كتير يعني واجبه واحده في اليوم بحد اقصي مرتين في الاسبوع وكيلو الكبده بعمله علي 4 مرات يعني بيعد معايا 4 ايام

وممكن هياكل وبعمله للجرو في وجبتين او 3 بالكتير

السوسيس مستورد ودا بقطعه حتت صغير وبحط معاه رز او المكرونه واخلطهم ببعض واقدمها

في الكلاوي المستورد او القلوب كل الحاجات دي واحد بس الاعتماد هنا بيكون علي التكلفه

كدا احنا تكون قولنا كل الاكل اللي الكلاب الي ممكن تكله لحد سن الست شهور

المرحله الثانيه بتكون مكونه من وجبتين يوميا

اما من 12 شهر فيما فوق بيكون وجبتين في اليوم وزن الوجبه من 500 ل 700 جرام وبتتلخص في وجبه الغدا اللي انت عودت كلبك عليها في سن الفطام للست شهور

في بقا حاجات انا بسميها رفاهيه اللي الكلب من غيرها هيعيش مش هيموت ولو خدها هتفرق معاه جسمانيا

زي كورسات الحقن
المكملات غذائية زي الدراي فود مثلا ودا خصيصا انا بحب اني احرم منه الكلب ليه لاني بستخدموا في المكفأت في التدريب يعني كل لما يعمل حاجه عجباني اديله واحده وبعد التمرين اديله شويه صغيريين يأزأز فيهم علشان يفهم ان الحاجه اللي بيحبها هيخدا لما ينجح في اللي انا بكون عاوزه منه

 

محسنات عضلات ودي بودر بتكون للبت بول ومش موجوده في مصر بتتجاب من برا زيل و  روسيا مثلا