العادات السيئه للكلاب في السنه الاولي و كيفية تغييرها

العادات السيئه للكلاب في السنه الاولي و كيفيه تغييرها ؟؟

العادات السيئه في الفتره دي بتكون في كام نقطه هي:-

1- التبول في اماكن متفرقة
2-  العض
3- الخوف من الغرباء
 4-عدم قبول الطوق والسلسله
5- فقدان الشهية للكلب في سن مابين ال3 شهور ل 6 شهور

 6- المشكله اللي الكل بيعاني منها اننا نسيب الاكل للكلب ونلاقي الكلب نشر الاكل في كل مكان


بس انا عاوز اقول انه الموضوع كله محتاج صبر وخلي بالكم اي واحده مننا واحنا بني ادمين ابوه وامه بيحولوا يغيروا عادات فينا ومش بيزهقوا هو عمتا اللي انا عاوز اقوله ان الموضوع كله صبر مش اكتر وانشاء الله هتلاقوا نتيجه وافتكروا ان اللي احنا بنتعامل معاه في الاخر هو حيوان ف الصبر مطلوب والرحمه كمان مطلوبه




1- التبول في اماكن متفرقة

اول حاجه انت بتسيب الكلب يعمل سواء بول او براز في اي مكان وبتحاول تنقل البول او البراز في المكان اللي انت عاوزه وتسيب الكلب يعمل تاني في اي حته وهنا يجي دور المربي بأنه بيزعق للكلب وبنبره حاده وبيضرب الكل علي اخر ضهرة طربه خفيفه طبعا وتخلي الكلب يشم الحمام وتشيله وتوديه للمكان اللي انت محدده وسبت في الحمام بتاعه مره علي التانيه هتلاقي الكلب اتعلم المكان الي يعمل فيه الحمام

2-  العض


نلاقي طبعا ناس كتير جدا بتواجهم مشكله العض ان كل ما المربي يلعب مع الجرو يلاقي الكلب يعض فيه وفي الرجل والبنطلونات

واللي الناس دايما بتجهله ا نها سعات بتكون مداعبه من الكلب لان المربي لو عندو كذا جرو هتلاقي ان اللعب بنهم بيكون عض وشد وضرب لان ملوش غير ايد وبوق بس عمتا بتكون في حاله فممكن سلوكه دا انه مش حاسس ان المربي مصدر امان له

بالبلدي انك مش مصدر امان ليه حاول تلعب معاه كتير ولما يكررها اشخط في الاول بس براحه مش جامد سمع كلامك شجعه كررها في وقتها حاول تزعق تاني واعترض وحسسه بدا بأنك تبعده عنك تدخله بيته مثلا ومع التكرار هتلاقيه بيبطل العاده دي وخصوصا لما بيعرف ان مصدر الخير والاكل والامان بتاعه اللي هو المربي مش بيحب الحاجه دي وبيعقبه عليها كمان
ونحاول نسبله ديما حاجه يعض فيها في السن دي زي العضاضه البلاستك اللي بتتباع عند اي حد بتاع كماليات

3- الخوف من الغرباء

ودي بتكون ليها عده عوامل زي ايه ان الكلب نفسه بيكون جبان شخصيته مش قويه طب نعمل ايه في السن دا

اولا ممنوع منعا باتا ان حد يلعب مع الكلب بتاعك نهائيا ولا يأكله ولاينضف مكانه دا علي الاقل لحد لما يتم السنه ليه

لان الكلب مجموعه غرائز زي الاكل والاهتمام والجواز

اول حاجتين انت طبعا ومفيش غيرك يوفرهم للكلب علشان يكون عنده انتماء لمربيه ويكون الكلب عارف انك انت اللي بتتطعمه وتهتم بيه

اما بالنسبه للعب مع الغرباء يفضل عدم لعب الكلب مع اي حد غير بعد ما يتم التسع شهور ليه لان المرحل دي بنبتدي ندرب الكلب علي الشراسه واحب اشرح ليه ممنوع اللعب مع الكلب من الغرباء نحاول نفكر بتفكير الكلب وسوري في التشبيه يعني بس نقول انا لما الاقي اللي مهتم بيا بيلاعبني والغريب بيلاعبني اما انا هقلق من مين وهجهم علي مين الا البني ادمين كلها انا بلعب معاه فمن هنا بتبتدي تتهز شخصيه الكلب والجبن بيكون سببه انه وهو صغير الناس بلاعبه اما لما بيكبر الناس بتستني انهم لما يجيوا علي الكلب انهم يلاقوا الكلب هجم عليها وهوه وعمل الشغل اللي الناس بتحب تشوفه من الكلب فبيلاقوا نتيجه عكسيه تماما فلتفادي الموضوع ده ممكن نتبع اللي اتقال في الموضوع وانشاء الله يجيب نتيجه ولكن طبعا في تدربيات نقدر ندرب الكلب عليها وانشاء الله هنتكلم عن التدريبات بستفاضه في وقت لاحق

مهم ان لما احاول انزل الكلب انزل في وقت متأخر علشان يشوف ناس قليله ومش هتلعب معاه وفي نفس الوقت هيتعود علي البني ادمين

4-عدم قبول الطوق والسلسله

دا بقا امر بيمر بيه اي حد عنده كلب

ليه اولا لازم نلبس الكلب وهو صغير طوق قماش نلبسلهوله ساعه او ساعتين في اليوم علشان يتعود عليه هتلاقي في الاول هرش ويحاول يشيله المربي بقا يبداء يلهيه عنه باللعب 

اول ما هتلبس الكلب الطوق والسلسله هتلاقيه افش في الارض ومش هيتحرك

ودي حلها سهل لبس الكلب السلسله والطوق وسيبه قاعد , اللعب معاه سواء بكوره او بأي حاجه تاني بمعني اوضح حاول تخليه يتحرك لوحده وهو لابس السلسله

وبعد كدا وهو واقف امسك السلسله وحاول تتحرك بيه اول ما يتحرك شجعه بكلمه برافو مثلا وكافئ الكلب بأي حاجه هو بيحبها من الاكل وحاول تنزل بيه علي السلم لو رفض اربط الكلب وحط علي السلم حاجه هو بيحبها زي قطعه لحمه صغيره وعدي درجتين وحط حته تانيه وفوت 5 سلالم وحط حته اخيره وتمسك حته في اديك تاكلهاه والسلسله طبعا طويله سيب الكلب في مكانه وانزل انت وانت ماسك السلسله وخد حته اللحمه بأديك ووريهاليه وقوله خد ا ويلا تعالي بدون نفكير الكلب هيطير علي الاكل اول ما ينزل تشجعه ببرافو وكمل باقي السلالم وهتلاقي الكلب اول ما انت تفتح باب الشقه هتلاقي الكلب بيسبقئك علي الشارع ومره علي مره الموضوع هيتحل معاك انشاء الله

- فقدان الشهية للكلب في سن مابين ال3 شهور ل 6 شهور5

ده بيكون ناتج عن ان الكلب بيغير الاسنان الخاصه بيه زي الانسان بالظبط اللي من الاعضاء هنا اب هيكون فاهم قصدي بمعني ان لو عنده طفل بيسنن هيلاقي منه مزاج سئ و فقدان شهيه 

في الكلاب الموضوع محتاج مسايسه يعني اكل الكلب بأيدك وبكدا هتلاقي المشكله اتحلت

6- المشكله اللي الكل بيعاني منها اننا نسيب الاكل للكلب ونلاقي الكلب نشر الاكل في كل مكان

حاول انك متسبش الاكل اكتر من 20 دقيقه قدام الكلب دا علشان تعوده انه او ما الاكل ينزل ادامه يأكله وميقعدش مدلع ولو مأكلش الوجبه شيلها وتنزله الاكل علي معاد الوجبه التانيه